Shillong, Rymphang 23
Ka Mohun Bagan Super Giant ka la bteng ïa ka jingjop kaba ar ha ka Indian Super League, hadien ba ka la pynliem noh ïa ka Chennaiyin da 2-0 kol ha ka lah sngi U Blei ha Salt Lake Stadium kaba ha Kolkata.
Kane ka nam jop ka la wan urlong lyngba ki kol ba la thep da u Jamie Maclaren ha ka minit kaba 45+4 bad u Dimitri Petratos ha ka minit kaba 65.
Lyngba kane ka jingjop, ka Mohun Bagan ka la ïaryngkat mar 6 point bad ka East Bengal, kaba la lamkhmat ha kane ka lympung. Katba ka Chennaiyin ka dangsah ha ka kyrdan ba khatwei bad kam pat shym la lah lah ban khur jingjop.
Ka jingïalehkai ha ka sngi Ba-ar kan long hapdeng ka Odisha pyrshah ïa ka Inter Kashi. Kane ka dei ka jingïalehkai ba nyngkong jong ka Odisha, katba ka Inter Kashi ka la ïakhaid mar 1-1 kol bad ka FC Goa ha ka jingïalehkai kaba nyngkong.
