Te ha ka sngi Sabbaton la jan baroh shi shnong ki la ïalang ban ïohsngew ïa ka ktien U Blei (kam ki Apostol 13 : 44). Kane ka rukom rakhe bad shongsngi mynta ha ka sngi Sunday ka long ka jingbun u briew. Namar ka ktien u Blei naduh ka Jutang barim ruh ka ong, kynmaw ïa ka sngi sabbaton ban rakhe khuid ïa ka (Exsodos 20 :8). Ka sngi U Trai (Sunday) ka long ka jingdum te ym ka jingshai (Amos 5 : 10). Ka sngi Sunday ka dei ka aiñ thaw u briew ym ba buh u Blei namar kam don ha ka ktien u Blei ruh. Ka ktien u Blei ka ong, phi ïa pynduh noh ïa ka ktien u Blei da ka rukom pateng la pateng jongphi ïa kaba phi hikai bad shibun kum kine kiei kiei phi leh (Markos 7 : 9). Ki nongïalap niam ki lah ban leh shibun ki kam bah bad ki lah ban beh ïa ki ksuid ong, ka ktien u Blei, hynrei kine baroh ki long tang ka rukom leh jong ka balang niam ym kaba wan na u Blei. Kumta ka ktien u Blei ka ong.
Kine ki briew ki burom ïanga da la ki rmiang shyntur hynrei ka dohnud jong ki te ka jngai na nga u Blei, namar ka jingngeit bad ka rukom mane jongngi ki briew hangne ha pyrthei lada ngi mane ïa u Blei ne ïa ka sngi ne ïa u Bnai ne ïa ki khlur ne ïa ki riewkhuid bad ïa kiei kiei baroh ki jingthaw jong u Blei ka wan kumjuh.Namar ngim ym lait na ka jingiap, watla ngi mane tang ïa uwei uba long u nongthaw nongpynlong ïa kiei kiei baroh kumta lada ngi shong sngi ha kane kane ka sngi ruh ka biang beit.
C. B. Iawphniaw
