New Delhi, Rymphang:
U Myntri Rangbahduh jong ka ri, u Narendra Modi, ha ka sngi U Blei, u la pyllait paidbah ïa ka rel Meerut Metro bad ka khyrdop Namo Bharat, na Shatabdi Nagar station hangne, ha kaba u la ai bynta sha ka ri ïa baroh kawei ka surok kaba 82 Km jong ka Delhi Meerut Namo Bharat.
U Modi, ula plie paidbah ruh ïa ki bynta kiba dang sah jong ka Namo Bharat Regional Rapid Transit System (RRTS) kaba nyngkong jong ka India, kaba kynthup ïa ka bynta kaba 5 km hapdeng ka Sarai Kale Khan bad New Ashok Nagar ha Delhi bad ka bynta kaba 21 km hapdeng ka Meerut South bad Modipuram ha Uttar Pradesh.
Da ka jingshna ban pynstet da 180 km ha ka shi kynta, ka Namo Bharat ka dei ka lynti kaba nyngkong ha India kaba lah ban ïaid stet kumba la buh ban pyntreikam.
Kane kan pynïasoh ïa ki jingshakri sha ki jaka sor kiba heh kum ka Sahibabad, Ghaziabad, Modinagar bad Meerut bad ka nongbah Delhi ha ka rukom kaba kham sted.
Ka Sarai Kale Khan, ka station ba sdang jong ka jingïaid lynti, ka dei kawei na ki saw tylli ki station Namo Bharat ba la pyntreikam.
Kiwei pat ki steshon kiba dang pyntreikam ki long ha Meerut. Ka Metro kan dei ka metro kaba stet tam ha India bad ka jingstet kaba khlaiñ tam kan long kumba 120 km/h.
