Shillong, Rymphang 23
U Myntri Rangbah ka Jylla Conrad K Sangma ha ka sngi Nyngkong, u la pynbna ban ai T.27.2 klur kum ka song pisa ba khatduh ha ka jingïarap song pisa na ka bynta ka Mawmluh Cherra Cement Limited (MCCL) ha une u snem mang tyngka ban wan.
“Ka jingshimkhia bad jingleh bha da ka lynti kaba jai jai jong ka Sorkar ban pynbeit ïa ki kam ki jam kila paw shai na ka jinglah ban khangdam ïa ka MCCL,” ong u Conrad ha ka jingkren halor ka mang tyngka haba bynrap ba baroh ki 209 ngut ki nongtrei kila ïoh ïa la ki jong ki pisa ba dei hok ban ïoh.
“Ngi la ai T.27.2 klur kum ka song ba khatduh ban ïarap pisa na ka bynta u snem mang tyngka ban wan,” u la bynrap.
