Guwahati, Rymphang:
U heh nongïalam barim jong ka Assam Congress, u Bhupen Kumar Borah, ha ka sngi U Blei, u la pynïasoh ïalade bad ka seng BJP kaba synshar ha ka jingdon lang u President ka seng ha ka jylla, u Dilip Saikia ha Guwahati.
Khyndiat kynta hadien ba u la pynïasoh sha ka seng BJP, ka seng kaba bat ïa ka jingsynshar ka la pynrung ïa u Borah ha ka State Executive Committee. U Borah u la kylla long u dkhot ka BJP ha ka jingïalang kaba la long ha ka jaka treikam jong ka BJP ha Assam ‘Vajpayee Bhawan’.
U Borah, u la iehnoh kam ha ka 16 tarik, Rymphang, ha kaba ki heh nongïalam jong ka seng Congress, kim shym la pdiang ïa katei ka rai bad ki heh nongïalam ki la mareh stet sha ka ïingsah jong u, katba u Rahul Gandhi, ruh, u la ïakren bad u.
