Shillong, Rymphang 24
Ka District Magistrate jong ka East Khasi Hills District ka la pynmih ïa ka hukum kaba khang pyrshah ïa ki kali kiba kit mar palat 9 ton ba kin ïaid ha ki surok hapoh u pud u sam jong ka East Khasi Hills District.
Ïa kane ka hukum la pynjari katkum ka kyndon 163 jong ka Bharatiya Nagarik Suraksha Sanhita (BNSS),
Kiba pynkheiñ ïa ka hukum kin shah pynngat ha ka kyndon aiñ 223 jong ka Bharatiya Nyaya Sanhita (BNS).
Kane ka hukum ka long kaba donkam namar la ïoh jingtip ba don ki kali kiba heh ki ïaid lyngba ka surok Mawmaram-Nongthliew-Mawmih-Maw lyndep, bad ka jingïaid jong ki kali kiba kit palat 9 ton, ka la pynjulor ïa ki bynta jong ka surok bad ka buh jingma ïa ki nongleit nongwan.
Kane ka hukum kan treikam mardor bad kan treikam haduh ban da pynmih da kiwei pat ki hukum.
