Nongstoiñ, Rymphang 25
Ka Challenger CC bad ka Tiehsaw CT ki la khur ïa ka jingjop ha ka Super Division District Cricket League 2025-26 ba la pynlong da ka West Khasi Hills District Cricket Association (WKHDCA).
Ha ka jingïalehkai kaba nyngkong, ka Challenger CC ka la jop da 3 wiket ïa ka Ladweitang SS&CC ha ka 23 tarik mynta u bnai ha madan Mawrusyiar West Khasi Hills.
Ka Ladweitang kaba la shimti ban tied nyngkong, ka la kamai tang 133 run bad shah pynhap 10 wiket ha ki 26.2 over. Haba wan shimti ïa ka pali kaba ar, ka Challenger CC ka la lah ban kynjoh sha ka thong da kaba kamai 134 run bad shah pynhap 7 wiket ha ki 25.4 over. U Medabatskhem Diengdoh u la khur ïa ka nam Player of the Match.
Katba ha ka jingïalehkai kaba la long ha ka sngi Ba-ar, ka Tiehsaw CT ka la pynliem noh ïa ka Pyndengrei da 70 run.
Ka Tiehsaw kaba la shimti ban tied nyngkong, ka la kamai 173 run bad shah pynkhyllem baroh ki nongtied ha ki 32.5 over. Hynrei haba wan beh ïa ka thong ka Pyndengrei ka la kamai tang 103 run bad shah pynhap wiket baroh ki nongtied ha ki 23 over. Ïa ka nam Player of the Match la khur da u Greatestful Lyngkhot na ka Tiehsaw, uba la tied 24 run ha ki 7 over bad khur 4 wicket.
