Shillong, Rymphang 25
Ïa ka jingïalehkai jong ka Super Division Shillong Cricket League 2026 hapdeng ka Sporting CC bad ka NFU la hap ban pynsangeh noh ha ka sngi Balang na ka daw ka jingther u lapbah uba jur uba la neh kumba shi kynta ha kane ka nongbah.
Ha kane ka jingïakhun kaba ha long ha madan ïalehkai kriket jong ka MCA ha Polo, ka Sporting CC kaba la kam trai ban tied nyngkong ka la lah ban buh ïa ka thong da kaba kamai 187 run bad shah pynhap 8 wiket ha ki 41 over. U Ankit Yadav u la tied 42 run na ki 58 bol bad u Rupom Dey u la ïoh 32 run na ki 68 bol. Katba u Laxman Gurung bad u Bharat Gurung ki la khur mar 2 wiket na ka bynta ka NFU.
Haba wan shimti ïa ka pali kaba ar, ka NFU ka la lah ban tied 16 run ha ki 4 over hashwa ban shah pynthud noh ha u slap uba jur. U Trejosh Dey u la tied 9 run na ki 16 bol bad u Binayak Mandal u la ïoh 1 run na ki 8 bol.
