Shillong, Rymphang 26
Ka Pradesh Election Committee jong ka Meghalaya Pradesh Trinamool Congress Committee ha ka jingïalang kaba la long ha ka 23 tarik u Rymphang, kala pynbna ïa ka thup kyrteng kaba nyngkong jong ki 14 ngut ki kyrtong ki ban ïakhun ïa ka ilekshon MDC sha ka GHADC.
U President ka TMC u Bah Charles Pyngrope u la pyntip ba ka seng hadien ka jingbishar kaba bniah ïa ki kyrteng kala jied ïa ki kyrtong ban ïakhun ïa ka ilekshon GHADC ka ban long ha ka 10 tarik u Ïaïong mynta u snem.
Ki kyrtong kiba la ïoh tiket ki kynthup ïa u Changseng R Marak na Silkigre, u Wilterson M Sangma na Rongrikimgre, u Richard Mrong Marak na Babelpara, u Dimseng K Marak na Tura, u Hithudhera Ch Marak na Dengnakpara, u Batchot Ch Marak na Boldamgre.
U Hemendra Hajong na Betasing, u Rahendro A Sangma na Asanang, u Lithson B Marak na Raksamgre, u Badith T Sangma na Jengjal, u Ashish R Marak na Bolsong, u Pardinand D Shira na Damas, u Baseng N Marak na Samandagre bad u Alphonsush R Marak na Williamnagar.
