Shillong, Rymphang 26
Kawei ka kali Bolero kaba don ïa u Registration No. ML 05 Z 0515 ka la kem ding kynsan katba ka dang ïaid hajan Civil Hospital Shillong kane ka la jia ha sngi Palei ha ka por kumba 12.30 eiei mynsngi.
Kane ka kali ka dei kaba la ñiah da u Bah Domanic Nongrem bad ka dei ruh ka kali ba pyndonkam u DSP ka Special Branch. U Bah Domanic u la ïathuh ba katei ka kali ka la mih tdem bad kem ding kynsan katba ka dang ïaid bad ong ba ka daw ka jingkem ding kane ka kali ka dei na ka daw ba thut ki waïar.
Ki pulit pynlip ding ka Meghalaya Fire & Emergency Services mar mar ki la wan poi ha katei ka jaka ban ïarap ban pynlip ïa ka ding bad la lah ban pynlip ïa ka ding, kane ka kali ka la julor na ki bynta ba shakhmat bad ha kane ka jingjia kam sym la don kano-kano ka jingjia ba sngewsih.
