Shillong, Lber 01
Ka Director General of Police ka Meghalaya, ka kong Idashisha Nongrang ka la ong ba kiba bun ki samla kiba la shah khot ban rung dkhot bad ka seng Hynniewtrep National Liberation Council (HNLC) kiba la iakynduh ban iakren tang ha online.
Ka kong Idashisha ka la iathuh ba ki la ioh ka jingkheiñ kaba biang bha ïa ki kyrteng da kaba ithuh ïa ki katto katne ngut ki samla haba ki peit ïa ki jingïadei jong ki ha ki social media namar ki jingïakren ba nyngkong bad phah ïa ki EPIC card.
Kane ka jingiathuh ka kong Idashisha ka dei hadien ka jingwan pyndem wait jong u heh jong ka seng HNLC hakhmat ki pulit ha Eastern West Khasi Hills dang shen.
Ka la kyntait ban ai jingkheiñ ïa kito kiba lah ban ïaid lyngba sha Bangladesh.
Ka la iathuh ba ki arngut kiba la shah kem na Umsning, ki la donkti ha kato ka jingpynbeit bom IED ha Umsning.
Ka la bynrap ba ka jingpynsngewthuh jong ka HNLC ka long “ka jingsiew kaba heh” bad pynsngew ban leh na ka bynta ka Ri bad ka Jaidbynriew.
Ki pulit haba ki la tohkit ki la lap ruh ia ki video halor ka jingshna IED ha kawei ka phone ba la kurup.
Haba kylli shaphang ka jingïadei bad ka jingbthei jong ka par dewiong, u DGP u la ong, “Hooid kin sa long shisha hynrei ngam kwah ban kren eiei namar ka jingtohkit ka dang ïaid shakhmat.”
Ka la iathuh ba ha u snem ba la dep ki don 4 ngut kiba la wan pyndem, kaei kaba la kular bunsien kam ju ïahap.
