Nongstoiñ, Lber 02
Ka Tiehsaw CT ka la khur ïa ka jingjop ha ka ‘eliminator’ jong ka Super Division District Cricket League 2025-2026 ba la pynlong da ka West Khasi Hills District Cricket Association, hadien ba ka la pynliem noh ïa ka Nongpyndeng SS &CC da 171 run ha ka lah sngi U Blei ha madan Mawrusyiar.
Haba phai sha kane ka jingïakhun, ka Tiehsaw CT kaba la jop ïa ka kynting pisa ka la kamai 264 run bad shah pynkhyllem baroh ki nongtied ha ki 33.3 over. Hynrei haba wan beh ïa ka thong ka Nongpyndeng ka la kamai tang 93 run hadien ba ka la shah pynkhyllem baroh ki nongtied ha ki 26.5 over. U Raimon Mawthoh u la ïohpdiang ïa ka nam Player of the Match.
Lyngba kane ka jingjop ka Tiehsaw kan hap ban ïakhun ïa ka ‘Qualifier 2’ pyrshah ïa ka Mawkawah CT ka ban long ha ka 4 tarik bad kaba jop nangne kan ïakynduh pyrshah ïa ka Ladweitang SS&CC ha ka final ka ban long ha ka 6 tarik mynta u bnai.
