Shillong, Lber 02
Ka lympung ïalehkai 5th District League T20 Cri-cket Tournament 2026 ba la pynïaid da ka East Khasi Hills Cricket Association ka la nangjam shaphrang ha kaba ka Cricket Lovers bad ka Seng Samla Mawlong Mawriang ki la khur jingjop ha ka lah sngi U Blei.
Ha kane ka jingïakhun kaba la long ha madan Saitsohpen kaba ha Sohra, ka Seng Samla Mawlong Mawriang ka la pynliem noh ïa ka Saitsohpen Veteran Legend da 60 run. Ka Seng Samla Mawriang kaba la shimti ban tied nyngkong ka la kamai 221 run bad shah pynhap 2 wiket ha ki 20 over. U Kitdor H Majaw u la ïoh ban khyrwit 95 run na ki 59 bol. Katba u Shngaiñ kynta u la khur 1 wiket na ka bynta 28 run ha ki 4 over.
Haba wan beh ïa ka thong, ka Saitsohpen Veteran Legend ka la kamai tang 161 run bad shah pynhap 8 wiket ha ki 20 over. U Clement Khongsngi u la tied 46 run na ki 22 bol. Katba u Rahul Bhimsubro u la khur 2 wiket na ka bynta 26 run ha ki 4 over. Ïa ka nam Player of the Match la khur da u Kitdor Hilary Majaw.
Haba phai sha kawei pat ka jingïakhun kaba ar, ka Cricket Lovers ka la jop da 130 run ïa ka Pomshutia CC. Ka Cricket Lovers kaba la kam trai ban tied nyngkong ka la kamai 202 run bad shah pynhap 5 wiket ha ki 20 over. U Heiyoomiki Ryng -khlem u la tied 64 run na ki 30 bol. Katba u Shem-bhalang Pyngrope u la khur 2 wiket na ka bynta 38 run ha ki 4 over.
Haba wan beh ïa ka thong, ka Pomshutia ka la kamai tang 72 run bad shah pynhap baroh ki nongtied ha ki 13.4 over. U Pynbianglang Pyngrope u la tied 22 run na ki 28 bol. Katba u Mewankit -bok Kharpuri u la khur 3 wiket na ka bynta 20 run ha ki 4 over. Ïa ka nam Player of the Match la khur da u Heiyoomiki Ryngkhlem.
