Guwahati, Lber:
Ka bynta ba ar jong ka Assam Pradesh Congress Committee’s (APCC) jong ka ‘Samay Paribartanor’ yatra ka la poi ha Dibrugarh ha ka 1 tarik u Lber, ha kaba ka la khring ïa ki paidbah da ki Padayatra bad ki jingïaid paidbah da ki bike ha kylleng ki jaka jong ka Naharkatia, Duliajan, bad Tingkhong.
U President ka APCC u Gaurav Gogoi u la lamkhmat ïa kane ka jingïalang, ha kaba la sdang da ki jingkyrkhu kyrdoh ha Raidongia Namghar ha Naharkatia.
Ki nongkyrshan ki la ai ka jingpdiang sngewbha ïa ka kynhun Congress ha Nigam Tiniali. Haba kren ha ka jingïalang, u Gogoi u la ban jur ïa ka jingïatylli, ka Congress ka dang ïai bteng ban tei ïa ka “Assam kaba thymmai” da kaba pynïatylli ïa ki briew ha kylleng ki jaitbynriew, khlem da kheiñ ïa ka jaitbynriew, ka jingngeit, ne ka niam.
U la buh ïa ka yatra kum kaba kham palat ban ïa ka saiñ pyrthei, ka jingïadei kaba beit bad ki nongthep vote. “Ngi kwah ban thaw ïa ka mariang kaba bha na ka bynta ka pule puthi bad ka koit ka khiah ha man la ki shnong, kynthup ïa ki jaka rep sha. Ngi thmu ban pynkupbor ïa ki kynthei da kaba kyntiew ïa ki kam rit kam ria khnang ba kin lah ban shaniah halade,” la ong u Gogoi.
U la kular ïa ki skhim jingïarap kiba kham khlaiñ hapoh ka jingsynshar jong ka Congress, ha kaba ki kynthei kiba dei hok kin ïoh ïa ki jingmyntoi beit beit sha ki Bank Account, khlem da donkam ïa ki jingïalang jong ka seng.
