Shillong, Lber 02
Ka India ka la don hapdeng ka jingeh hadien ba ka ‘thei ïalehkai ba kynsai ka Anju Tamang ka la shah weng noh na ka lympung ïalehkai AFC Women’s Asian Cup.
Kane ka ‘thei ïalehkai shapdeng kaba la mih-khmat palat 70 sien na ka bynta ka India ka la long kaba kham rangbah ha kane ka kynhun. Hynrei ka jingmynsaw ha ka por ba ka dang kilanmet dangshen mynta ka taïew ka la pynkut noh ïa ka jingangnud jong ka ban ïalehkai ha ka Asian Cup.
Ka Anju ka la duh ruh ban shim bynta ha ka Asian Cup ha u snem 2022 hadien ba ka India kum ka nongpynlong ïa kane ka lympung, ka la shah pynduh noh namar ba katto katne ngut ki nongïalehkai ki la ïoh ïa ka jingpang Covid.
Te kumta ha jaka ka Anju yn mih bujli noh da ka Karishma Shirvaikar.
