Jowai, Lber 03
U Superintendent of Police (SP) ka West Jaiñtia Hills u la pyntip ba katkum ka jingbud ryntih ïa ka hukum ba la pynmih ha ka 17.02.2026 da ka ïingkashari Special Judge (POCSO), Jowai ha kaba ïadei bad ka mukotduma Special POCSO Case No. 17/2025 (G.R. No. 16/2024), la bthah ïa u Lambun Sungoh ba u dei ban wan mih hakhmat ka ïingbishar.
Utei u Lambun Sungoh, uba la 52 snem ka rta, na ka shnong Khliehrangnah, West Jaiñtia Hills District, u la phet krad la slem bha bad um shym la wan mih hakhmat ka ïingkashari ban jubab ïa ki jingkynnoh pyrshah ïa u.
U SP u pyntip ba u Lambun Sungoh u don ïa ka rynïeng ba jrong 5.5 ft, uba ïong sniehdoh bad la kyrpad ïa kino kino ki briew kiba ïohi ne don jingtip shaphang jong u, kin pyntip mardor sha ki thanad kiba jan lane phone ha u Number PCR Jowai: 9774065467.
