Shillong, Lber 03
U Bah A.L. Hek MLA ka Pynthorumkhrah Konstitwensi u la ong ba ka BJP kam pat shim ïa ka rai kaba khatduh ha kaba ïadei bad u kyrtong jong ka, ban ïakhun ïa ka ilekshon shiteng samoi sha Lok Sabha na Shillong Parliamentary Konstitwensi.
Haba kren sha ki lad pathai khubor ha ka sngi Ba-ar jong ka taïew u Bah u A.L. Hek u la pynpaw ba ki jingïakren hapoh jong ka seng ki dangïaid shakhmat.
U la ong ba katto-katne ngut ki kyrtong ki kwah eh ban ïakhun ïa ka ilekshon shiteng samoi, hynrei ka seng kam pat lah ban pynthikna ïa ka kyrteng.
“Shen yn sa khot ïa ka jingïalang hadien ba la pyntip sha u President ka Jylla ban ïa pyrkhat sani halor kane ka kam,” u la bynrap.
U la pynskhem shuh shuh ba lada ka BJP ka rai ban ïakhun, kan pynïeng ïa la u jong u kyrtong bad kan nym kyrshan ïa kano-kano ka party ha kane ka kynti. Ïa ka kyrteng jong u kyrtong ba la jied yn phah sha ki nongïalam pdeng jong ka seng ban ïoh ïa ka jingmynjur.
Na ka liang u nongaiktien ka BJP u Bah M.H. Kharkrang u la pynpaw ruh ba ka party ka thmu ban ïakhun ïa ka ilekshon shiteng samoi, kumba ka la leh ha ki por ba la dep, bad kan kohnguh ïa kano-kano ka jingbthah ba la pynmih da kiba ha khlieh duh.
