Mawkyrwat, Lber 03
Ka Ranikor Civil Sports Association ka la plie ïa ka lympung ïalehkai 1st Division Football League 2025-26 ha ka 27 tarik u Rymphang ha madan Nolikata Stadium, Ranikor Civil Sub Division, South West Khasi Hills District.
Ha kane ka lympung ki don kumba phra tylli ki kynhun kiba na ka thaiñ jong ka Ranikor Civil Sub Division kiba wan ban ïashim bynta. Haba phai sha ka jingïalehkai, ka Evergreen SC ka la pynliem noh ïa ka Mawpyllun da 4-1 kol.
Ïa kane ka lympung la wan ban plie da u Bah D.Syiemlieh ha ryngkat ka jingdonlang ki nongpynïaid bad kiwei kiwei.
Ki nongpynïaid ki la pyntip ruh ba ka jingïalehkai ka ban long ha ka 5 tarik kan long hapdeng ka Khangkhlak SC pyrshah ïa ka Umsur SC ha ka por 2:30 nohphai sngi.
