Shillong, Lber 03
Ki Pulit jong ka East Khasi Hills hadien ba ki la pynjur ïa ka peitngor bad talasi, kila ïoh ban kurup noh ïa ki lai tylli ki arshaka na ka thaiñ Langlibun, Mawkynroh ha ka 2 tarik Lber.
Kine ki arshaka kiba la ïoh kurup ki dei kiba don ïa u registration number ML05-T-7719, ML05-AF-5335 bad ML10-D-0839. Ïa kine ki arshaka la lap da ka kynhun ïaid pahara.
U Superintendent of Police ka District Bah Vivek Syiem ha ka sngi Ba-ar, u la kyntu ïa ki trai jong ki kali arshaka ba kin pyndait ïa ki GPS tracker bad ki tala hadien ka jingkiew ki kam tuh arshaka, khamtam ha nongbah Shillong.
Ki Pulit kila ïoh ruh ban kem ïa arngut ki briew ba suba donkti haba kyntu ïa ki paidbah ba kin kiar na ka jingpynïeng ïa ki kali arshaka harud surok bad ban ïatreilang bad ki Pulit ban tehlakam ïa kum kine ki kam bymman.
