Shillong, Lber 03
Ka Nationalist Congress Party (NCP) ha ka Sngi Ba-ar ka la pyllait paidbah ïa ka thup kyrteng kaba ar jong ki 10 ngut ki kyrtong ki ban ïa aireng ha ka ilekshon ban wan sha ka Garo Hills Autonomous District Council (GHADC), ha kaba ka la pynïeng da u Kingstone Bolwari Marak na Batabari, u Kraistone Marak na Asanang bad u Baithiram A. Sangma na Dengnakpara.
U Chairman ka State Election Committee (SEC), u O.K. Sangma, u la ong ba ka thup banyngkong jong ki hynriew tylli ki kyrteng ka la mih kham hashuwa, bad ïa kaba ar la pynbna hadien ka jingïalang jong ka komiti ha ka 2 tarik u Lber.
Ha kajuh ka por, ka thup kyrteng kaba lai bad kaba khatduh kan mih hadien ka 6 tarik u Lber.
Kane ka thup bathymmai ka kynthup ruh ïa ka Bina Rosaline?A. Sangma (Betasing), Gracefield Ch. Marak (Nogorpara), Arnarson Ch. Marak (Rongrikimgre), Dominic Ch. Sangma (Balachanda), Daniel M. Sangma (Rochonpara), Senggam K. Sangma (Siju Rongara) bad Lordmountvyrythints G. Momin (Amongpara).
