Shillong, Lber 03
Ka Bharatiya Janata Party (BJP) Meghalaya ha ka sngi Ba-ar, ka la pynbna ïa ka kyrteng jong ki 19 ngut ki kyrtong ki ban ïakhun ïa ka ilekshon MDC sha Garo Hills Autonomous District Council (GHADC) ka ban long ha ka 10 tarik u Ïaïong 2026.
Ha ka kyrwoh ba la phah, u General Secretary ka BJP Meghalaya u Bah Wankitbok Pohshna u la pyntip ba ka State Election Committee ka la mynjur ïa ka kyrteng jong ki kyrtong ban ïakhun na ka seng BJP ïa ka ilekshon GHADC 2026.
Ki kyrtong kiba la ïoh tiket ki kynthup ïa u Mark Pantora M Sangma na Siju, Akki A Sangma na Barengapara, u Wilnath T Sangma na Amongpara, u Bernard N Marak na Tura, u Repsin M Sangma na Dengnakpara, u Drojil D Sangma na Boldamgre, u Salibirth M Sangma na Nogorpara, u Bhupandra Hajong na Zikzak, u Hiralal Koch na Betasing.
U Jeberth M Sangma na Rochonpara, ka Rikse K Marak na Balachanda, u Clement Marak na Batabari, u John Keats Sangma na Shyamnagar, u Rahinath Barchung na Naguapara, u Barning Marak na Rongrong, u Sengpan K Marak na Bolsong, u Bikash G Momin na Damas, u Sengsrang R Marak na Kharkutta, u Charles T Sangma na Samandagre.
