Shillong, Lber 03
Ka lympung ïalehkai 5th District League T20 Cricket Tournament 2026 ba la pynïaid da ka East Khasi Hills Cricket Association ka la nangjam shaphrang ha kaba ka Friends United ka la khur ïa ka jingjop, hadien ba ka la pynliem noh ïa ka Sohra Combine da 8 wiket ha ka sngi Ba-ar.
Ha kane ka jingïakhun kaba la long ha madan Saitsohpen kaba ha Sohra, ka Sohra Combine ka la kam trai ban tied nyngkong ha kaba ka la kamai 100 run bad shah pynhap 8 wiket ha ki 20 over. U Jona Lyngdoh Nonglait u la long u nongtied uba la ïoh bun ha kaba u la tied 49 run na ki 28 bol. Katba u Precious Nongrud u la khur 3 wiket bad ai 18 run ha ki 4 over.
Haba wan shimti ïa ka pali kaba ar, ka Friends United ka la lah ban kynjoh sha ka thong da kaba kamai 101 run bad shah pynhap 2 wiket ha ki 16.2 over. Kane ka la long lyngba ka jingïalehkai bha u Nathan A Diengdoh uba la tied 53 run na ki 52 bol. Katba u Nathaniel Pyngrope ula khur 1 wiket na ka bynta ka 19 run ha ki 4 over. Ïa ka nam Player of the Match la khur da u Precious Nongrud.
