Shillong, Lber 03
Ka Mairang Zone Cricket Association (MZCA) ka la pynlong ïa ka lympung ïalehkai kriket na ka bynta ki shakri sorkar ba la tip kum ka 1st Inter-Office Cricket Tournament 2026 ha ka sngi Ba-ar ha madan Mission, Mairang.
Kane ka dei ka sien kaba nyngkong eh ba la pynlong ha Eastern West Khasi Hills District bad ka jingthmu ka long ban kyntiew ïa ka jingïalehkai kriket bad ruh ban pynïoh ïa ka met ka phad kaba shait ba khlaiñ.
Haba phai sha ka jingïalehkai jong kane ka sngi sdang, ka Mawthadraishan Block ka la khur ïa ka jingjop hadien ba ka la pynliem noh ïa ka Police Department ‘B’ da 7 run. Ka Mawthadraishan Block kaba la kam trai ban tied nyngkong, ka la buh ïa ka thong da kaba kamai 107 run ha ki 15 over. Hynrei ka Police Department B ka la kamai tang 100 run.
