Shillong, Lber 03
Ka Shillong Cricket Association (SCA) ka la sdang ïa ka lympung ïalehkai Office Cricket League 2026 ha ka sngi Ba-ar ha madan ïalehkai kriket jong ka MCA kaba ha Polo, ha kaba ka Meghalaya Police (MLP) ka la khur ïa ka jingjop, hadien ba ka la pynliem noh ïa ka Fire and Emergency Service da 158 run.
Ha kane ka jingïakhun ka MLP kaba la jop ïa ka kynting pisa, ka la shimti ban tied nyngkong ha kaba ka la kamai 233 run bad shah pynhap 6 wiket ha ki 20 over. U Alvin Bamon u la long u nongtied uba kynsai ha kaba u la kamai 66 run na ki 31 bol bad u Johnsward u la ïoh 50 run na ki 30 bol. Katba u Wanaibok bad u Hilar Thabah ki la khur mar 2 wiket na ka bynta ka Fire and Emergency Service.
Haba wan beh ïa ka thong, ka Fire and Emergency Service ka la kamai tang 75 run bad shah pynhap 8 wiket ha ki 14 over. U Hilar Thabah u la tied 28 run na ki 19 bol bad u Arbinus Syiemiong u la ïoh 26 run na ki 21 bol. Katba u Henry Sangma u la khur 2 wiket bad ïa ka 1 wiket la khur da u Johnsward. Ïa ka nam Player of the Match la khur da u Johnsward, uba la kamai 50 run bad shim 1 wiket.
