Shillong, Lber 03
Ka Pakistan Cricket Board (PCB) ka la rai ban leh da kaba tyngeh hadien ka jingbym lah ban ïalehkai bha ka kynhun ïalehkai ka Pakistan ha ka T20 World Cup.
Ka jingkut noh ka jingïaid lynti ka Pakistan ha ka Super Eights jong ka ICC T20 World Cup ka la pynlong ïa ki rangïalehkai ban ngat ha ka jingshah daiñ kuna, ha kaba ka PCB ka la rai ban pyntreikam da kaba daiñ kuna hadien kane ka kynhun kam shym la lah ban rung sha ka semi final.
Ka Pakistan kaba la lamkhmat da u Salman Ali Agha, kam shym la lah ban jam sha ka semi final watla ka la jop ïa ka Sri Lanka da 5 run ha ka jingïalehkai kaba khatduh jong ka Super 8. Kane ka long ka sien kaba saw ïa ka Pakistan ha kane ka lympung ïalehkai jong ka ICC ba kam shym la lah ban rung sha ka semi final.
Ha ka jaka ba kan wanrah ka jingkylla hapoh ka kynhun, ka PCB ka la daiñ kuna pynban ïa ki rangïalehkai da T. 50 lak.
