Shillong, Lber 03
U nongñiah kali ba kynsai na Tura u Aneesh M Sangma u la wan ha ka kyrdan ba-ar ha ka Gypsy Category jong ka Indian National Rally Champion -ship Season 2025.
Haba ïakhun pyrshah ïa ki katto katne ki nongñiah kali ba paw jong ka ri, u Sangma u la la lah ban pyni ïa ka jingtbit ka jong u kat haduh ba u la lah ban pyndep haduh san tylli ki wat (round) jingïakop kaba la long naduh 27 tarik u Rymphang haduh 1 tarik mynta u bnai.
Halor kane ka jingjop, u Sangma u la ong ba ka long ka jingsah kynmaw ban shim bynta ha katei ka jingïakop ñiah kali. Lyngba kane ka jingjop jong u ka la kyntiew ïa ka Meghalaya ha ka map jong ka ri India. Ïa mynta u dangdon ka jingthmu bad ka jingangnud ban kyntiew shuh shuh ïa ka Jylla ha kane ka jingïalehkai ñiah kali bad ban bat ïa ka kyrdan ba ha khlieh duh ha ki samoi ban wan.
