Shillong, Lber 04
Ka jingpeitngor jong ki shipai Border Security Force (BSF) ha ki thaiñ khappud, ka la pynlong ïa ki ban ïoh kurup haduh 42 tylli ki masi bad ba la suba jur ba ki lah ban dei kiba la thmu ban shalan tuh sha Bangladesh.
Katkum ka khubor kaba la ïoh na ki pulit la ong ba na ka liang jong u Post Commander, C-Coy, ka 4th Bn., BSF, BOP Hawaitilla, BSF u la ai ka jingujor ba ha ka 28 tarik jong u bnai ba la lah, ha ka por kumba 2.45 dang step, ki shipai BSF ki la lap ïa ki ar tylli ki masi na ka jaka kaba don ha BP No. 1286/13-R (West Jaiñtia Hills).
Kumjuh ruh u Post Commander, C-Coy, ka 4th Bn., BSF, BOP Hawaitilla, BSF u la ai ka jingujor ba ha ka 28 tarik jong u bnai ba la lah, ki shipai BSF ki la lap haduh khyndai tylli ki masi na ka jaka ha lynter ka khappud jong ka BP No. 1287/6-S (West Jaiñtia Hills).
Katba u Post Commander, C-Coy, ka 4th Bn., BSF, BOP Rongtilla, BSF, u la ai ka jingujor ba ha ka 2 tarik mynta u bnai, ki shipai BSF ki la lap haduh arphew ar tylli ki masi na ka jaka ha lynter ka khappud jong ka BP No. 1285/7-S (West Jaiñtia Hills).
U Post Commander, C-Coy ka 4th Bn., BSF, BOP SP-Tilla, BSF u la ai ka jingujor ba ha ka 2 tarik mynta u bnai, ki shipai BSF ki la lap haduh khyndai tylli ki masi na ka jaka ha lynter ka khappud jong ka BP No. 1288/MP (West Jaiñtia Hills).
