Jowai, Lber 04
Ha ka jingïalehkai District Cricket League 2026, ba la pynïaid da ka West Jaiñtia Hills District Cricket Association ha madan ïalehkai Khliehtyrshi ha ka 04 tarik Lber, ka Riwar Titan CC ka la jop da 2 wiket pyrshah ïa ka kynhun Tympang CC.
Haba phai sha ka jingïalehkai ka Riwar Titan CC ka la jop ïa ka toss bad ka la jied ban kawang bol.
Ka Tympang CC haba tied nyngkong ka la kamai 134 ron bad shah pynhap 10 wiket ha ki 27.4 over.
U Manhame Lyngdoh u la tied 17 run khlem shah pynhap, katba u Paul Andy Passah bad u Wallambok Nongkhlaw ki la noh synñiang mar 14 ron.
Ki nongkawang bol jong ka Riwar Titan CC, u Kermi-U Tariang, Daman I-Mahrhen Pohktai, Seintremi Rongngi bad Habanjop Khonglah ki la shim mar 2 wiket.
Ha ka pali ban beh ïa ka thong ka Riwar Titan CC ka la kamai 135 ron bad shah pynhap 8 wiket ha ki 29.1 over.
U Lestarket Kassar u la tied 28 ron, katba u Baiaithrang Khonglah u la tied 22 ron khlem shah pynhap.
Ki nongkawang bol jong ka Tympang CC u Wallambok Nongkhlaw u la lehkai bha da kaba shim 3 wiket bad ai tang 15 ron ha ki 7 over, u Damonmitre Phawa ruh u la pynhap da 3 wiket na ki 7 over.
Ïa ka nam ‘Man of the Match’ la ïoh rah da u Lestarket Kassar u nongïalehkai jong ka Riwar Titan CC.
Ha ka 5 tarik Lber ka jingïalehkai kan long hapdeng ka Mowkaiaw CYC bad ka Wahiajer SC ha ka por 9:00 baje mynstep.
