Shillong, Lber 04
Ka lympung Shillong Cricket League Super Division 2026 ba la pynlong da ka Shillong Cricket Association ka la bteng hynne ka sngi da ka jingïalehkai semi final kaba nyngkong hapdeng ka Royal CC pyrshah ïa ka Sporting CC.
Ha ka jingkynting pisa la kam trai da ka Sporting CC bad ka la jied ban tied hadien.
Ka Royal CC ka la ïoh 230 ron na ki 10 wiket ha ki 43.3 over. U Swastic Chettri u la kamai 104 ron na ki 117 bol, bad u Amad Siddique 43 ron na ki 54 bol, katba na ki nongkawang bol u Gagandeep Singh u la khur 5 wiket bad u Rohit Kumar Yadav 2 wiket.
Ha kaba beh ïa ka thong ka Sporting CC ka la ïoh tang 117 ron na ki 10 wiket ha ki 23 over, u Gagandeep Singh u la ïoh 43 ron na ki 27 tylli ki bol bad u Avinash Rai 12 ron na ki 22 bol kiba la long ki ba kham kynsai ha ba kamai ron. Katba u Bipin Ray u la khur 4 wiket bad u Raj Biswa 2 wiket.
Ka Royal CC ka la jop noh haba kut ka jingïalehkai da 113 ron, bad ïa ka nam ‘Player of the Match’ la ïoh da u Swastic Chettri uba la kamai 104 ron.
