Shillong, Lber 04
Ki kam tuh kam thiem ki la nang bteng na kawei ka sngi sha kawei pat bad ïa kane lah ban sakhi na ki jingjia shah tuh kiba dang jia ha kine ki khyndiat sngi bad taïew ba la leit na kylleng ki bynta jong ka nongbah Shillong bad na kiwei ki bynta ruh kumjuh.
Katkum ka khubor ba la ïoh na ki pulit la ong ba u Pratik Giri u la ai ka jingujor ba ha ka 27 tarik jong u bnai Rymphang, ha ka por kumba 10 baje mynmiet, ki runar bym lah ban ithuh ki la tuh ïa ka arshaka ka jong u, kaba don ïa u registration number ML05-AF-7019 na ka thaiñ Pynthorbah, Block-V, Shillong.
Kumjuh ruh u Nand Kishor u la ujor ba ha ka 28 tarik jong u bnai Rymphang, ha ka por kumba 12 baje shiteng synñia, ki runar bym lah ban ithuh ki la tuh ïa ka arshaka ka jong u, kaba don ïa u registration number ML05-AD-4175 na ka thaiñ Lawmali, Block-II, Shillong.
Katba na ka liang jong u Oinam Joyprakash Singh u la ujor ba ha ka 28 tarik jong u bnai Rymphang, ki runar bym lah ban ithuh, ki la tuh ïa ki hynriew tylli ki bateri kiba shongdor kumba T.1,46,648/- na ka CCTV site kaba ha lad jong ka Mawngap Taxi Stand, Shillong.
Na ka liang jong ka Kong Mardiam Kharduit ka la ai ka jingujor ba ha ka 1 tarik mynta u bnai ha ka por kumba 9.50 mynstep, ki runar bym lah ban ithuh ki la tuh ïa ka LCD screen bad ka amplifier na ka kali jong ka, kaba don ïa u registration number ML05-M-7793, kaba la pynïeng hajan jong ka ophis MBOSE, Shillong.
Na ka liang jong u Bah Pyndaplang Suting u la ai ka jingujor ba ha ka 1 tarik mynta u bnai, ki runar bym lah ban ithuh ki la tuh ïa ka arshaka ka jong u, kaba don ïa u registration number ML05-AD-5559 na ka thaiñ Langkyrding, Shillong.
Katba u Bah Teiborlang Warjri u la ai ka jingujor ba ha ka 1 tarik mynta u bnai, ki runar bym lah ban ithuh ki la tuh ïa ka arshaka ka jong u, kaba don ïa u registration number ML05-AA-7069 na ka thaiñ Pynthorbah, Block-IV, Shillong.
U Johnwellson Sad ruh u la ai ka jingujor ba ha ka 1 tarik mynta u bnai, ha ka por kumba 4.50 eiei janmiet, ki runar bym lah ban ithuh ki la tuh ïa ka arshaka ka jong u, kaba don ïa u registration number ML05-AC-6201 na ka thaiñ Golflink, Shillong.
Na ka liang jong u Bah Michael Lyngkhoi u la ai ka jingujor ba ha ka 28 tarik jong u bnai Rymphang, ha ka por kumba 10 baje mynmiet, ki runar bym lah ban ithuh ki la tuh ïa ka arshaka ka jong u, kaba don ïa u registration number ML05-Y-6259 na ka thaiñ Mawlai, Nongkwar, Block-VI A, Shillong.
U A Borah u la ai ka jingujor ba ha ka 28 tarik jong u bnai Rymphang, ha ka por kumba 9.30 mynmiet, ki runar bym lah ban ithuh ki la tuh ïa ka arshaka ka jong u, kaba don ïa u registration number AS01-GL-6550 najan ka jaka sah ka jong u, ha Hillside Jackson Trace Road, Laban, Shillong.
Na ka liang jong u Kera Singh u la ai ka jingujor ba ha ka 28 tarik jong u bnai Rymphang, ha ka por kumba 5 baje dang step, saw ngut ki runar bym lah ban ithuh kiba la wan da kawei ka kali Maruti 800, ki la khang kdong ïa ka trok ka jong u, kaba don ïa u registration number UP94-AT-3942 ha Khliehriat East ha East Jaiñtia Hills, ha kaba ki la knieh jubor ïa kawei ka mobile phone bad ka pisa kaba long T.1,700/-.
