Shillong, Lber 04
Ka Presbytery Mawphlang bad ka Balang Rangshken ka khot sngewbha ïa baroh sha ka jingïaseng paidbah jong ka KJP Synod Sepngi kaba XXIV ha ka Balang Rangshken ka ban long ha ka 8 tarik mynta u bnai.
Ka shnong Rangshken ka jngai kumba 24 kilometer na Shillong. Ka don ha lynti na Shillong sha Mawngap-Mairang Road lyngba ka NH-44(E). Ka jngai kumba 4 kilometer shaphang Sepngi na Mawngap.
Kumta ban pynsuk ïa ki nongleit jingïaseng ha ka sngi U Blei bad ban lait na ka jingdheng kali, ki jingmynsaw bad ka jingbit jingbiang lang jong baroh, la pynbeit ïa ka rukom ïaid jong ki kali.
Ki kali kiba wan na ka thaiñ Mairang – Mawmaram kin ïaid beit na surok By-pass Shillong-Tura NH-44(E) sha Mawkohtep lyngba ka Entry No.2 bad ka Entry No.3.
Ki kali kiba wan na Lyngkhoi, Nongspung, Sohiong kin rung sha ka surokbah Shillong-Tura sha Mawkohtep, lah ruh ban rung na surok Sohiong Mawngap sha ka por 9 baje mynstep ha ka sngi U Trai. Yn ym shah shuh ban ïaid kali na surok Sohiong – Mawngap hadien ka por 9 baje mynstep haduh ban da wai ka jingïaseng Synod.
Ki kali ba wan na Shillong kin ïaid na Ladmawreng na ka lynti Shillong – Tura ban poi sha Rangshken na ka Entry No.1 na Lwai.
Ki kali ba wan na Sohra – Pynursla kin ïaid sha surokbah 7 Mer Upper Shillong sha Lad Mawreng shaduh Rangshken na Entry No.1 na Lwai, lah ruh ban ïaid na ka surok Mylliem Pombot sha Mawngap bad bud ïa ka surok Mawngap – Sohiong NH-44(E), tangba ka surok ka khim na Mylliem sha Mawngap.
Ki kali ba wan na thaiñ Mawsynram, Mawkyrwat shwa ban poi Mawphlang, kata na ka shnong Wahlyngkien kin lad shaphang sepngi na ka surok Lyngkien – Ramkhlang sha Wahrahaw Rangshken, ka surok thymmai ba jan tam.
Na ka bynta ki kali ba don Car Pass, kali Choir, Nongrwai Ribaibal kiba wan na thaiñ Shillong – Mawphlang kin leit beit sha Mawngap sha ka surok Mawngap – Sohiong NH-44(E) ban poi sha Reserved Parking.
Ki kali ba don Car Pass, kali Choir, Nongrwai Ribaibal kiba wan na thaiñ Mairang, Lyngkhoi, Nongspung kin rung beit na ka surok Sohiong – Mawngap ha baroh ki sngi long Jingïaseng.
