Shillong, Lber 04
Ka lympung ïalehkai Office Cricket League ba la pynlong da ka Shillong Cricket Association 2026 ka la bteng da ka jingïakhun hapdeng ka AGES pyrshah ïa ka Fire and Emergency Services.
Ha ka jingkynting pisa ka Fire and Emergency Services ka la ïoh kam trai bad ka la jied ban tied nyngkong bad kala lah ban kamai haduh 236 ron na ki 20 over.
U Wanaibok u la ïoh 116 ron na ki 55 bol bad u Pynsuk Nongsiej 104 ron na ki 66 bol, kila long nongtied bol ba kham kynsai.
Ka AGES haba beh ïa ka thong ka la ïoh tang 180 ron na ki 10 wiket ha ki 19.4 over. U Brewil Sangma u la ïoh 26 ron bad u Deabest Marak 20 ron. Katba u Wanaibok u la khur 3 wiket bad u Pynsuk Nongsiej u la pynhap 2 wiket.
Ha kaba kut ka jingïalehkai ka Fire and Emergency Services ka la jop ha ka jingïalehkai da 56 ron bad ïa ka nam ‘Player of the Match’ la ïoh da u Wanaibok jong ka Fire and Emergency Services uba la ïoh 116 ron bad pynhap 3 tylli ki wiket.
