Bengaluru, Lber:
Ki la don haduh 34 tylli ki liengsuiñ nabar ri kiba la shah pynsangeh treikam ha ka kad liengsuiñ jong ka Kempegowda International Airport ha ka sngi Ba-ar namar ka jingthut na ka daw jong ka jingïakynad kaba dang ïaid shakhmat ha Middle East, ong ka tyllong khubor.
Ki heh jong ka kad liengsuiñ ki la pynthikna ba 18 tylli ki liengsuiñ kiba wan bad 16 tylli kiba mih la pynsangeh noh ha ka 4 tarik u Lber namar ka jingkhang ïa ka lynti suiñ ha ka thaiñ ba shah ktah. Ki jingkhang ki la neh haduh ka por 11.59 baje mynmiet.
Ki jingpynsangeh ki la ktah ïa ki katto katne ki lynti kiba kongsan kiba pynïasoh ïa ka Bengaluru bad ki nongbah ba kongsan jong ka West Asia. Kine ki kynthup ïa ki liengsuiñ ban leit bad wan na Abu Dhabi, Riyadh, Jeddah, Dammam, Dubai bad Doha, kumba la ong ka tyllong khubor.
