Shillong, Lber 04
Ka Afghanistan kan wan sha India na ka bynta ban pynkhreh ïa kawei ka jingïalehkai Test bad lai tylli ki jingïalehkai ODI ha u Jylliew, la pynbna ka Board of Control for Cricket in India (BCCI) ha ka lah sngi U Blei.
Katei ka jingïakhun, kan sa long hadien ba la kut ka Indian Premier League (IPL) jong u snem 2026, kan dei ruh ka jingïakhun kaba nyngkong eh jong ka Afghanistan pyrshah ïa ka India, hadien ba ka jingïakhun kaba khatduh jong ki, ka la long lyngba ka jingïalehkai T20I kaba lai tylli ha u Kyllalyngkot jong u snem 2024.
Katkum ka kyrwoh ba la pyllait da u Secretary u Devajit Saikia, ïa ka jingïalehkai Test yn pynlong ha ka jingïakhun ha Jungarh Stadium ha P.6. Iaiong 10. Ka jingïalehkai ODI series kan long ha PCA Stadium kaba ha New Chandigarh naduh 6 haduh 10 tarik u Jylliew. Katba ka ODI kan sdang naduh 14 tarik u Jylliew ha HPCA Stadium kaba ha Dharamshala, ha kaba katto katne ki jingïalehkai kin long ha BRSABV Ekana Cricket Stadium kaba ha Lucknow bad ka MA Chidambaram Stadium ha Chennai ha ka 17 bad 20 tarik u Jylliew.
Ka sien kaba khatduh ba ka Afghanistan ka la ïalehkai ïa ka Test pyrshah ïa ka India, ka dei ka sien kaba nyngkong eh jong ka ha ka jingïalehkai Test ha u Jylliew jong u snem 2018. Ha katei ka jingïakhun, ka Afghanistan ka la shah rem noh ha ka India da ka inning bad 262 ron ha madan M Chinnaswamy kaba ha Bengaluru.
Ha ki lai tylli ki jingïalehkai jong ka ODI yn sakhi ïa ka jingwanphai biang ki nongtied kiba kynsai kata u Virat Kohli bad u Rohit Sharma na ka bynta ka India, ha kaba baroh ar ngut kine ki kapten kin shim bynta tang ha ka jingïalehkai kaba 50 over ha ki jingïalehkai bar ri hadien ba ki la shongthait noh na ka jingïalehkai Test bad ka T20I. Ha kane ka jingïalehkai kaba 50-over, ka India bad ka Afghanistan ki la ïakynduh saw sien, ha kaba ka India ka la jop lai sien, katba kiwei pat ki jingïalehkai ki la kut ha ka jingïakhaid ha ka Asia Cup 2018.
Hadien ka series pyrshah ïa ka Afghanistan, yn sakhi ïa ka jingïalehkai u Kohli bad u Rohit ha ka jingïalehkai da ka bol ba lieh jong ka England, ka ban kynthup ïa san tylli ha ka T20Is bad lai tylli ha ka ODIs, ka ban sdang naduh 1 tarik u Naitung. Katba ka jingïalehkai jong ka ODI kan sdang naduh 14 tarik u Naitung.
Dangshen ka Afghanistan ka la thung ïa u Richard Pybus kum u coach uba thymmai na ka bynta baroh ki jingïalehkai.Te kumta la khmih lynti ba un wan shimti ïa ka kynhun ha ka jingïalehkai pyrshah ïa ka Sri Lanka, ka ban long ha UAE ha u bnai ban wan.
U Pybus, uba la shimti kham hashwa kum u coach ïa ka Pakistan bad Bangladesh, un shimti ha ka jaka u Jonathan Trott, uba la mih hadien ba la kut ka jingïaid lynti ha ka T20 World Cup.
