Shillong, Lber 06
Ka Hynñiewtrep Youth Council (HYC) Sumer Unit hapoh ka jingïalam u Samla Shining War, President ha ryngkat bad ki nongïalam shnong ka Lum Sohpet ha ka 06 tarik u Lber 2026, ki la leit ban sieh da ka signboard bad ban buh jingmaham ruh ïa kito ki briew ba ju leh kam awria bad kiwei kiwei ki kam sniew kiba na ka Shnong kim lah ban pdiang.
Haba kren ha kane ka sngi ki nongïalam shnong ki la ai khublei ïa ki dkhot ka HYC kiba la wanrah ïa ka signboard kaba long na ka bynta ka jingbha jong ka shnong.
Ki la ïathuh ba kane ka shnong ka dei kaba ki briew ki ju wan kai bad teng teng ki leh ïa ki kam awria kumta lyngba kane ka signboard kan long ka jingïarap bad lada lap ïa kiba leh pyrshah ka shnong kan sa leh katkum ki kyndon jong ka shnong. Ki nongïalam ka HYC pat ki la pyntip ba ha ka signboard ki la buh ïa ka jingmaham ba lada don kino-kino wan kais ha kane ka jaka ki dei ban long adkar haba ïaid ba ïeng.
“Ngim dei ruh ban leh baheh ne sngewmeng sngewkhraw namar ka jingmana ngi lah dep buh. Kino-kino kiba pynkheiñ ïa kane ka kyndon ba la dep buh, na ka liang ka shnong ha ka jingïatrei lang bad ka HYC, ngin sa shim ïa ka sienjam kaba tyngeh,” la ong ki nongïalam ka HYC.
