Shillong, Lber 06
Ka tnat Social Welfare jong ka Sorkar Jylla ka la rakhe ïa ka International Women’s Day da kaba ka la pynlong ïa ka Penalty Shootout bad ka jingïalehkai phutbol paralok ha ka sngi Thohdieng ha SSA Stadium, Polo.
Ïa kane la ïasnohkti lang da ka State Sankalp: Hub for Empowerment of Women ha ryngkat ka Shillong Sports Association halor ka phang “Give to Gain”.
Ka shongknor jong ka Meghalaya Handloom And Handicrafts Development Corporation, ka Kong Santa Mary Shylla, ka la long ka kongsan bad ka la kyntu ïa ki kynthei ba kin shim bynta shitrhem ha ki jingïalehkai bad ha kiwei-kiwei ki bynta.
Ha kaba ïadei bad ka Penalty Shootout ki la don phra tylli ki kynhun jong ki kynhun kiba la wan shim bynta, katba ha ka jingïalehkai phutbol paralok la ïalehkai hapdeng ka Laikor FC bad ka Lumparing FC da ka jingthmu ban pynkhlaiñ ïa ki kynthei ha ki kam ïalehkai.
