Shillong, Lber 06
Ka Laitkynsew Mission Club bad ka Mawphlang CC ki la khur jingjop ha ka 5th District League T20 Cricket Tournament 2026 ba la pynïaid da ka East Khasi Hills Cricket Association ha ka sngi Thohdieng ha madan Saitsohpen kaba ha Sohra.
Ha kane ka jingïakhun ka Mawphlang ka la pynliem noh ïa ka Seng Samla Saitsohpen da 7 wiket. Ka Saitsohpen kaba la kam trai ban tied nyngkong, ka la kamai 79 run bad shah pynhap 10 wiket ha ki 17.1 Over. U Winningstar Khongjoh u la tied 13 run na ki 17 bol. Katba u Janai u la khur 5 wiket na ka bynta 18 run ha ki 4 Over.
Hynrei haba wan shimti ïa ka pali kaba ar ka Mawphlang CC ka la lah ban kynjoh sha ka thong da kaba kamai 81 run bad shah pynhap 3 wiket ha ki 9.4 Over. U Kyrshanlang Lyngdoh u la tied 22 run na ki 15 bol. Katba u Ricky Surong u la khur 1 wiket na ka bynta 17 run ha ki 3 Over. Ïa ka nam ‘Player of the Match’ la khur da u Janai.
Haba phai sha kawei pat ka jingïakhun kaba ar ka Laitkynsew Mission Club ka la jop da 69 run ïa ka Superkings CC (Sohiong). Ka Laitkynsew kaba la kam trai ban tied nyngkong ka la kamai 155 ron bad shah pynhap 10 wiket ha ki 13 Over. U Jeff Malngiang u la tied 38 run na ki 18 bol. Katba u Winbestar Syiemiong u la khur 4 wiket na ka bynta 30 run ha ki 4 Over.
Haba wan beh ïa ka thong ka Superkings CC ka la lah bankynjoh sha ka thong da kaba kamai 86 run bad shah pynhap 10 wiket ha ki 17 Over. U Bankerlang Syiemiong u la tied 22 run na ki 24 bol. Katba u Mebanrikupar Malngiang u la khur 4 wiket na ka bynta 21 run ha ki 4 Over bad u la khur ruh ïa ka nam ‘Player of the Match’.
