Shillong, Lber 06
Ki paidbah ka Jylla Meghalaya ha ka sien ba nyngkong kin sa ïoh ban sakhi ïa ka ‘Sea World Carnival’ kaba sdang naduh ka 6 tarik u Lber 2026 ha SRGT Polo parking lot Shillong. Ïa kane ka ïew la pynlong da ka M/S Disneyland Mela (OPC) pvt ltd ban pyni ïa ki palat 100 jait ki jait dohkha ba na kylleng.
Haba kren sha ki nongthoh khubor ha ka u Shamim Shaikh uba dei u Director ka M/S Disneyland Mela (OPC) pvt ltd u la pynkynmaw ïa ki jingkongsan jong ka Carnival da kaba pynïanujor bad kiwei ki jaka peitkai poh um kiba don ha Dubai bad Singapore. Ka Carnival kan pyni ïa ki ba bunjait ki dohkha ba phylla kiba kynthup ïa ki Lionhead, Parrot Fish, Elephant Nose Fish, Angel Fish, Albino Fish, Arowana Fish, Arapaima bad kiwei kiwei de.
U Shamim Shaikh u la ong ba la shna kyrpang ïa kine ki jaka buh dohkha bad ha ka rukom kaba itynnad kaba kring ban pynshoh biej ïa kiba wan ban peit bad la buh ruh ki briew kiba la pyntbit ha ka ban ai bam bad ban ri ban sumar ïa kitei ki dohkha.
U Shamim Shaikh u la pyntip ruh ba ka bai rung na ka bynta ka ‘Sea World Carnival’ ka dei 30 tyngka, katba ka bai rung sha ka jaka ba shapoh ban peit ïa ki dohkha ka dei 200 tyngka. Kane ka Carnival kaa ku haduh 5 tarik u ïaiong bad kan long kawei na ki jingshem ba kyrpang jong ki nongshong shnong ka nongbah Shillong.
Nalor kata ka jaka peitkai ba hapoh ka ‘carnival’ kan don ruh ïa ki dukan ki ban pyni paidbah ïa ki tiar shna kti bad ruh ki shuki ki miej dieng. Kumjuh la buh kiba bun jait ki jinglehkai na ka bynta ki khynnah bad rangbah bad baroh kine ki jinglehkai lah dep ban pynbit pynbiang.
