Spain, Lber:
Ka jingïakynad hapdeng ka ri America bad ka Spain halor ka thma ha Iran ka la nang jur ha ka Sngi Balang katba ki sorkar jong ki ri ka pyrthei ki dabg pyrshah halor ka jingpyndonkam ïa ki jaka sah shipai jong ka Spain da ki shipai America na ka bynta ki kam thma ha ka thaiñ Mihngi.
Khyndiat por hadien ba u nongaiktien ka White House u la ong ba ka sorkar Spain ha Madrid ka la mynjur ban ïarap ïa ka US, u Myntri kam bar ri jong ka Spain, u José Manuel Albares pat u la pynpaw shai bad kyntait ba ka sorkar Europe, ka la pynkylla ïa ka nongrim jongka.
“Nga lah ban pynrem (ia u nongkren jong ka White House)”, la ong u Albares ha ka prokram radio jong ka Spain, ha kaba u la ong ba ka Spain kam shym la ai jingbit ne mynjur eiei ruh halor ka jingtyrwa jong ka US ban ai jaka ia ka US ba kan ioh ban ther ia ka Iran na ki bynta jong ka Spain.
Ka jingbym iasngewthuh jingmut ka la mih ha ka Sngi Ba-ar hadien ba u Trump u la ong ba un sa pynduh lut ia ka jingiadei khaïi- pateng bad ka Spain,” shisngi hadien ba u Albares u la ong ba ka sorkar jong u kan nym ailad ia ka US ban pyndonkam ia ki ktem ba iatreilang ha ka thaiñ Shatei Lam Mihngi jong ka Spain naka bynta kino- kino ki jingiakynad bad ki kam thombor ki bym shah ktah ha ka aiñ jong ka UN. Kumta ruh u Myntri Rangbahduh jong ka Spain, u Pedro Sánchez, u la ong ba ka sorkar jong u kan nym donkti lang ha kaei kaei kaba sniew na ka bynta ka pyrthei.”
