Nongstoiñ, Lber 06
Ka kynhun ïalehkai jong ka Mawkawah CT kala ïoh ban rah bad khur ïa ka nam lahduh ha ka Super Divsion jong ka lympung ïalehkai District Cricket League 2025-26 ïa kaba la pynlong da ka West Khasi Hills District Cricket Association.
Kane ka nam lahduh jong ka Mawkawah CT kala wan hadien ba kala lah ban khur ïa kajingjop da 4 wiket ïa ka Ladweitang SS&CC ha ka jingïalehkai final pyrshah kaba la long ha ka sngi Thohdieng jong ka taïew ha madan Mawrusyiar West Khasi Hills.
Ha kane ka sngi ïa ka nam ‘Player of the Match’ la ïoh ban khur da u Bamanbha Shangpliang na ka Mawkawah CT u bala ïoh 63 ron 56 bol 6 over 1 ‘Maiden’ 18 ron 3 wiket.
Shuh shuh ha kane ka sngi , ïa ka nam ‘Emerging Player’ la ïoh ban khur da u Medabatskhem Diengdoh 14 snem ka rta, ‘Highest Run Scorer’ la ïoh da u Klos Lyngdoh na ka Lasweitang SS&CC, ‘Highest Wicket Taker’ pat da u Lakhan Singh na ka Nongpyndeng SS&CC, ‘Player of the Tournament’ la ïoh hi da u Klos Lyngdoh na ka Ladweitang SS&CC uba la ïoh 408 ron 18 wiket.
Haba sakhi , ïa kane kajingïakhun final jong kine ki ar tylli ki team ha ka Super Divsion mynta ka samoi ïa kajingkynting pisa la jop da ka Ladweitang SS&CC bad ka la jied ban ‘bat’ shuwa ha kaba ka Ladweitang SS&CC ka lah ïoh ban kamai 135 ron bad hap noh baroh 10 Wikey na ki 33.1 over.
Nangta, haba beh ïa ka thong bad ka jingkmai ron jong ka Ladweitang ka Mawkawah CT ka la lah ban khur ïa ka jingjop bad poi 140 ron bad hap 6 wiket na ki 24.4 over, kumta lyngba kane ka jinglah ban ïalehkai bha jong ka Mawkawah CT kala pynlong ïa kane ka kynhun ban khur ïa ka jingjop da 4 wiket bad rah syndon ïa ka nam lahduh ha kane ka Samoi District Cricket League Super Division 2025-2026
Ha kane ka sngi, pynhap pyrda ïa kane ka lympung ïalehkai u Naba Bhattacharjee Convener North East Development Cricket Council ha kajuh ka por kum u Former President Meghalaya Cricket Association u la long u kongsan, ha ka jingdonlang ruh u Bah Eric Charles Kharsyntiew President Nongstoin Block Congress Committee kum u Symbud kongsan, u bah Wanpyntngenbor Lyngdoh Nonglait President ka WKHDCA, u bah Mebanphira Swer General Secretary ka WKHDCA, kiwei pat ki dkhot ka WKHDCA, ki nongkitkam ka Mawrusyiar Youth Cultural Club bad kiwei-kiwei kiba la sam ruh ïa ki khusnam.
