Jowai, Lber 08
Ka lympung ïalehkai District Cricket League ba la pynïaid da ka West Jaiñtia Hills District Cricket Association (WJHDCA) ka la nangjam shaphrang ha madan Khliehtyrshi ha ka sngi Saitjaiñ ha kaba ka Young Lad CC ka la jop da 76 ron ïa ka Ummulong-B.
Ka Young Lads CC kaba la jop ïa ka kynting pisa, ka la kam trai ban tied nyngkong ha kaba ka la kamai 173 ron bad shah pynkhyllem baroh ki nongtied ha ki 34.5 over. U Riata Challam ula tied 24 ron bad u Namewanki Pakynteiñ u la ïoh 21 ron. Katba ki nongkawang bol ka Ummulong-B, u Kermiki Bamon bad u Cleofast Bamon ki la khur mar 3 wiket.
Haba wan beh ïa ka thong, ka Ummulong-B kam shym la lah ban ïalehkai bha ha kaba ka la kamai tang 97 ron hadien ba ka la shah pynkhyllem baroh ki nongtied ha ki 20.3 over. U Johneshwa Passah u la tied 25 ron. Katba ki nongkawang bol ka Young Lads, u Maremdorkini Sutnga bad u Waibhami Ryngkhlem ki la khur mar 3 wiket, bad ïa ki 2 wiket la khur da u Saunihi Patwet. Ïa ka nam Man of the Match la khur da u Maremdorkini Sutnga, u nongÏalehkai ka Young Lads.
Ka jingïalehkai ha ka lah sngi U Blei kan long hapdeng ka Goodwill Mupliang pyrshah ïa ka Chutwakhu SC ha madan Khliehtyrshi kan long ha ka por 9 baje mynstep, katba ka Ummulong SC bad ka Dulong CC ha madan Wahïajer ha ka por 9 baje mynstep.
