Jowai, Lber 08
Ka Jaiñtia Hills Truck Owner Association (JHTOA) ha ka 6 tarik Lber kala pynlong ïa ka jingïalang ha ophis treikam jong ka, ha Tuber Tahkhniang, East Jaiñtia Hills District ba la pynïaid da u President ka seng Ma Biangshwa Shylla.
Ha ka jingïalang la pyrshah jur ïa ka ilekshon jied President kaba la long ha ka 2 tarik Lber kaba la pynlong da ka kynhun hapoh ka jingïalam u Ma Balen Thubru.
Ki nongkren ha kane ka jingïalang ki long u Ma Graham Lyngdoh, Ma Nidamon Chullet President barim ka JHTOA, Ma Nangai Sutnga nalor kiwei pat.
Kiba bun ki nongkren kila pynpaw ïa ka jingbym sngewhun halor ka jingpynlong ïa ka ilekshon khlem ka jingtip ne jingbit jong ka JHTOA kaba khlem ïahap bad ka riti synshar jong ka seng.
Shuh shuh, ka jingïalang ka pynshai ba ka seng kam ithuh ne pdiang ïa u Ma Balen Thubru kum u President, bad pynshai ruh ïa ka samoi long President jong u Ma Biangshwa Shylla kan kut por hadien 2 snem.
