Shillong, Lber 08
Ha ka sngi sdang ban pyni paidbah ïa ka phlim “Ha Lyngkha Bneng” ha U Soso Tham Auditorium Shillong ki paidbah, ki khynnah skul ba wan na ki skul bapher-bapher ki la tuid bad pynpaw ïa ka jingsngewtynnad ban ïoh peit ïa kane ka phlim.
Ha kane ka sien pyni ba nyngkong ïa kane ka phlim la wan ban sakhi da ki khynnah pule ka skul Christ Church Mawlai, ka Mawlai Presbyterian Hr Sec School Ïewrynghep, ka Nongkwar Hr Sec School bad ka Pine Mount School.
Ka Phlim “Ha Lyngkha Bneng” ka dei kaba la pynmih bad shna (Direct) u Bah Pradip Kurbah u ba dei u wei na ki nongshna phlim ba pawnam bha hapoh ka Jylla.
Haba ïoh ban sakhi ïa kane ka phlim la lah ban sngewthuh ba ka don kawei ka shnong ka don jngai na sor, ha kaba ki briew kiba shong ba sah ha katai ka shong ki shem jingeh ha ba bun ki liang, kum ha ka leit ka wan namar ka jingbym don ka surok, ka jingbym don bording bad ki ba bun kiwei ki jingduna kaba la buh jingeh ïa ki briew ki ba shong ba sah ha katei ka shnong bad kiew sha ki jaka sor.
Haba ïoh ban ïakren ïa ki khynnah skul ki la pynpaw ïa ki jingsngew jong ki haba ïadei ka jingitynnad ka rukom ringdur, ka jingnang ki nongak ban pynithynnad bad ki jingkren kiba la pynphuh samrkhie namar la pynwandur ha ka rukom ba shutia bad ai ka jingïaroh ïa ka khana.
Kum ban shu kdew ba kane ka phlim ka la leit ban iashim bynta ha ki ba bun ki Festival la ka dei ba ha ka ri ne sha bar jong ka ri ruh kumjuh kaba la ïoh khur ruh ïa ki nam jop kum ka ‘Best international Film’ ha ka 24th Pune International Film Festival bad kiwei de.
Ïa ka phlim “Ha Lyngkha Bneng” la sdang ban pyni naduh mynta ka sngi ka 6 tarik Lber bad kan bteng haduh ka 11 tarik Lber ha U Soso Tham Auditorium.
