Shillong, Lber 08
U Director General of Sports Authority of India bad uba long ruh u Secretary (Sports) jong ka tnat ïalehkai ka Sorkar Pdeng u Hari Ranjan u la wan jurip ïa ka nongbah ban bishar bniah ïa ki projek kiba dangpyntrei shait shait na ka bynta ka jingpynkhreh ïa ka 39th National Games ka ban long ha u 2027 ha kane ka Jylla.
Ha katei ka jingwan jong u ha ka sngi Thohdieng, la ïadon lang ruh u Commissioner and Secretary ka tnat ïalehkai jong ka Sorkar Jylla u Dr. Vijay Kumar D (IAS), kumjuh u Deputy Director ka tnat ïalehkai u Bah P.B. War Nongbri lem bad kiwei ki heh ophisar.
Katei ka kynhun ka la leit ban jurip ïa ki projek kiba dangïaid shaphang ki jingpyntrei kum ha JN Stadium, ka Integrated Hospitality Sports Complex, SAI, Rowing and Sailing ha Umiam, ka Kayak Canoe Slalom Course ha Umthan, Ri Bhoi District.
