Shillong, Lber 10
Ka lympung ïalehkai Inter Office Cricket League 2026 ka la nangjam shaphrang ha kaba ka Fire and Emergency Services bad ka Meghalaya Khasi Government Employees (MKGE) ki la khur jingjop ha ka sngi Ba-ar.
Ha kane ka jingïakhun kaba la long ha madan Urkaliar, ka Fire and Emergency Services ka la pynliem noh ïa ka Lok Bhawan da 70 run. Ka Fire and Emergency Services ka la kam trai ban tied nyngkong ha kaba ka la kamai 151 run bad shah pynhap 6 wiket ha ki 20 over. Haba wan beh ïa ka thong, ka Lok Bhawan ka la shah pynkhyllem baroh ki nongtied bad kamai tang 81 run ha ki 15.2 over.
Ha ka jingïakhun kaba ar, ka MKGE ka la jop da 6 wiket ïa ka Shillong Police Cricket Team. Ka Shillong Police kaba la shimti ban tied nyngkong, ka la kamai 143 run bad shah pynhap 9 wiket ha ki 20 over. Hynrei ka MKGE ka la lah ban kynjoh sha ka thong da kaba kamai 149 run bad shah pynhap 4 wiket ha ki 16.3 over.
