Shillong, Lber 10
Ka Langsning XI bad ka Donkin CC ki la khur ïa ka jingjop ha ka Late P.A. Sangma Memorial T20 Trophy 2026 ba la pynïaid da ka Shillong Cricket Association ha ka sngi Ba-ar.
Ha kane ka jingïakhun kaba la long ha madan ïalehkai kriket jong ka MCA ha Polo, ka Donkin ka la jop da 93 run ïa ka Metallica Rising CC. Ka Donkin kaba la kam trai ban tied nyngkong ka la kamai 210 run bad shah pynhap 4 wiket ha ki 17 over. U Rahul Shah u la khyrwit ïa ka spah run kaba 110 na ki 30 bol bad u Rohit Rai u la ïoh 44 run na ki 29 bol. Katba u Abid Khan u la khur 2 wiket bad ïa ka 1 wiket la ïoh da u Sanjeev Chettri.
Haba wan beh ïa ka thong, ka Metallica Rising ka la kamai tang 117 run bad shah pynhap 8 wiket ha ki 17 over. U Binay Rai u la tied 31 run na ki 26 bol bad u Abid Khan u la ïoh 30 run na ki 16 bol. Katba u Heimon Lyngdoh u la khur 3 wiket bad ïa ki 2 wiket la ïoh da u Rahul Shah, uba la khur ïa ka nam Player of the Match.
Haba phai sha kawei pat ka jingïalehkai kaba khatduh, ka Langsning XI ka la pynliem noh ïa ka Winds CC da 6 run. Ka Langsning XI kaba la shimti ban tied nyngkong ka la kamai 147 run bad shah pynhap 9 wiket ha ki 20 over. U Bishal Roy u la tied 67 run na ki 36 bol bad u Mrinal Das u la ïoh 27 run na ki 33 bol. Katba u Pritam Singh u la khur 4 wiket bad ïa ki 3 wiket la khur da uLokesh Turaha.
Ka Winds kaba la wan beh ïa ka thong, ka la kamai tang 141 run bad shah pynhap 8 wiket ha ki 20 over. U Aditya Mahala u latied 53 run na ki 42 bol bad u Bishnu Mahato u la ïoh 28 run na ki 31 bol. Katba u Nishanta Chakraborty u la khur 3 wiket bad ïa ki 2 wiket la khur da u Aaron Nongrum. Ïa ka nam Player of the Match la khur da u Bishal Roy.
