Jowai, Lber 10
Ka War Jaiñtia United bad ka Lion Y&SA ki la khur jingjop ha ka District Cricket League 2026 ba la pynïaid da ka West Jaiñtia District Cricket Associa-tion ha ka sngi Ba-ar.
Ha ka jingïalehkai kaba la pynlong ha madan Khliehtyrshi, ka War Jaiñtia United ka la pynliem noh ïa ka Shangpung SC da 62 run. Ka War Jaiñtia kaba la kam trai ban tied nyngkong ka la kamai 146 run bad shah pynhap 9 wiket na ki 35 over. U Manzian Tisni Shylla u la tied 54 run na ki 71 bol bad u Skhem-diam Suting u la ïoh 19 run. Na ka liang ki nong-kawang bol ka Shangpung SC, u Rishot I Suchiang, Bantei Langstang, Seven-ki Chullet bad Dabiang Law ki la khur mar 2 wiket.
Haba wan beh ïa ka thong, ka Shangpung SC ka la shah pynkhyllem baroh ki nongtied bad kamai tang 84 run na ki 21.3 over. U Dabiang Law ula tied 27 run. Ha ka liang ki nongkawang bol, u Skhemdiam Suting bad u Manbha Tariang ki la khur mar 3 wiket na ka bynta ka War Jaiñtia United. Ïa ka nam Man of the Match la khur da u Skhemdiam Suting.
Haba phai sha kawei pat ka jingïakhun ha madan Wahïajer Mini Stadium, ka Lion Y&SA ka la jop ïa ka Ummu-long-B da 8 wiket. Ka Ummulong-B kaba tied nyngkong, ka la kamai 112 run bad shah pyn-khyllem baroh ki nongtied ha ki 24.5 over. U Camlyone Passah ula tied 35 run bad u Johneshwa Passah u la ïoh 29 run. Ki nongkawang bol ka Lion Y & SA, u Deibormi Rngad, Daymen Shullai, Noon-daystar Pohrmen bad Wijan Pohleng ki la khur mar 2 wiket.
Haba beh ïa ka thong, ka Lion ka la lah ban kynjoh sha ka thong ha ki 12.3 over bad kamai 116 run hadien ba la shah pynhap tang 2 wiket. U Firstborn Son Dkhar u la tied 52 run bad u Nick Dann 38 run. Ki nongka-wang bol ka Ummulong B, u L. Well bad u Kyndailad Kharbina ki la khur mar 1 wiket. Ïa ka nam Man of the Match la khur da u Nick Dann.
Ha ka sngi Balang ka jingïalehkai kan long hapdeng ka PCC Phramer pyrshah ïa ka Riwar Titan CC ha Khliehtyrchi Mini Stadiu bad ka Khimu-sniang CC ïa ka Wahïajer SC ha Wahïajer Mini Stadium. Kine ki jingïalehkai kin sdang naduh ka por 9 baje mynstep.
