Shillong, Lber 10
Shi bynta ban rakhe ïa ka International Women’s Day, ka Khelo India Centre Ri Bhoi ha ka ryngkat ka My Bharat Ri-Bhoi ka la pynlong ïa ka Special Athletics Meet hapoh ka Asmita League ha madan Marngar.
Ha kane ka lympung la pynlong ïa ki jingïakop mareh kum ka 100m, 200m, bad 400m katkum ki rta ha kaba la wan ban ïashim bynta da ki samla kynthei bad ki longkmie. Ha kane ka lympung la ïadoh lang i Dr. T. Biam, Michael T. Mate, M. G. Wahlang, bad u Sylvester Lyngdoh ha kaba la sam ruh ïa ki khusnam bad ki syrnot sha baroh ki nongjop.
