Washington, Lber:
U President ka United States, u Donald Trump, ha ka Sngi Nyngkong u la pynbna ba un sa weng noh ia ki khajna bad ki jingpyrkhing ba iadei bad ka umphniang namar ka jingkiew dor ka umphniang ha ka pyrthei naduh ba ka US ka la leit iasnoh kti lang bad ka Israel ban hiar thma ia ka Iran.
“Ngi pyllait ruh ïa ki katto katne ki jingpynjari kiba ïadei bad ka umphniang ban pynduna ïa ka dor,” ong u Trump ha ki nongthoh khubor hadien ka jingïakren bad u President ka Russia u Vladimir Putin bad kumba u la kdew ïa u President ka China u Xi Jinping.
Kumta u Trump u la pynbna ba ka US kan sa weng noh ia kitei ki jingpyrkhing bad jingpynjari kyndon kiba iadei bad ka jingshalan umphniang sha ki ri jong ka pyrthei bad ba yn pynbeit biang ia ka jinglong- jingman bad ka jingkiewdor bad ka jingsniew ha ka ioh- ka kot ym kumba ka long mynta.
