Shillong, Lber 10
Ka Mawmluh CC ka la pynliem noh ïa ka Lumpaïa Avengers CC da 13 run na ka bynta ban khur jingjop ha ka 5th District League T20 Cricket Tournament 2026 ba la pynlong da ka East Khasi Hills Cricket Association ha ka sngi Ba-ar.
Ha kane ka jingïakhun kaba la long ha madan Saitsohpen kaba ha Sohra, ka Mawmluh ka la shimti ban tied nyngkong ha kaba ka la kamai 113 run bad shah pynhap 8 wiket ha ki 20 over. Hynrei haba wan beh ïa ka thong, ka Lumpaïa Avengers ka la kynjoh sha ka thong da kaba kamai 100 run bad shah pynhap 10 wiket ha ki 19.4 over.
Haba phai sha kawei pat ka jingïakhun kaba ar, ka Rangshken ACC ka la jop da 6 wiket ïa ka Hurdles CC Mawsynram. Ka Hurdles ka la kam trai ban tied nyngkong, ha kaba ka la kamai 58 run bad shah pynhap 10 wiket ha ki 11.5 over. Haba wan shimti ïa ka pali kaba ar, ka Rangshken ka la kynjoh sha ka thong da kaba kamai 61 run bad shah pynhap 4 wiket ha ki 13.4 over.
